Өлкөнүн мамлекеттик маалымат агенттигинин кабарына караганда, Шинжяң-Уйгур автономдук регионундагы массалык тополоңдо дагы 800дөн ашуун адам жаракат алган. Негизинен мусулман уйгурлар отурукташкан аймакта адамдар тосмолорду куруп, көчөдө бараткандарга кол салышкан, машинелерди өрттөп, полиция менен кагылышууларга барышкан. Кытай бийликтери мунун баарын бийликтерден көз-карандысыздыкты талап кылган уйгур жикчилери жасап атышат деп, жүздөгөн адамдарды камады. Бирок Уйгурлардын дүйнөлүк конгресси башаламандыкка тийиштиги жок экенин айтып чыкты.
