Европадагы Коопсуздук жана Кызматтыштык Уюмунун полиция иштери боюнча башкы кеңешчиси Кевин Карти бүгүн Бишкекте ички иштер министри Молдомуса Конгантиев менен жолукту. Анда аталган министрликти реформалоо процесстери, адам аткезчилиги, уюшкан кылмыштуулук жана ЕККУ менен кызматташуунун мындан аркы келечеги талкууланды. Бул тууралуу ЕККУнун маалымат кызматы билдирди. Бул эл аралык уюм Кыргызстандагы күч структураларын реформалоо боюнча бир катар долбоорлорду ишке ашырып, техникалык-каржылык колдоо көрсөтүп келет. (EBM)
