Буга дейре БЭК атынан президенттикке бирдиктүү талапкер Алмазбек Атамбаевдин ишенимдүү өкүлдөрү “Бишкек, Ош шаарларынын жана айрым облустук шайлоо комиссияларынын курамы мыйзамсыз түзүлгөн”,- деген доомат менен Биринчи май райондук сотуна кайрылып, чечим БШКнын пайдасына чыгарылган. Соттун мындай чечимине макул болбогон А. Атамбаев Жогорку Сотко кайрылган эле. Доо арыз ээлерине ылайык Шайлоо кодексине ылайык Бишкек,Ош шаарларынын жана айрым облустук шайлоо комиссияларынын иштөө мөөнөтү эртең 9-июлда соңуна чыкмак. Бул шайлоо комиссиялары 2004-жылы 9-июлда мындан 5 жыл мурун түптөлгөн. Бирок БШК өз убагында алардын курамын кайра түзүү боюнча буга дейре эч аракет көргөн эмес. (EK)
