Кызыл-Кыядагы цемент заводу 14-июлдан тартып ишке кирет

Бул тууралуу өнөр жай, энергетика жана отун ресурстары министринин орун басары Гүлбарчын Асанова журналисттерге билдирди. Анын айтуусунда ишкана жылына 1 млн. тонна цемент чыгарат, ошондой эле анда 1000ден ашуун киши жумуш менен камсыз болот. Кызыл-Кыя цемент заводунун ачылышына президент К. Бакиевдин катышуусу күтүлүүдө.
Өткөн айда Кыргызстанда цемент өндүрүү кескин азайып, баа эки эседен ашуун көтөрүлгөн.(ZKo)