Ооганстандын түштүгүндө талиптер менен кагылышта америкалык эки жоокер набыт болду. Бул тууралуу АКШнын Ооганстандагы аскер командачылыгы маалымдады. Буга чейин төрт жоокер мерт кеткени кабарланган. Бирок командачылык бул кабарды төгүндөдү. АКШ президенти Барак Обама Sky News сыналгысына курган маегинде Ооганстанда америкалык жана британ аскерлери Гелмандда жүргүзүп жаткан операциясынын натыйжасында талиптер бир топ алсыздандырылганын, бирок күрөш улана берээрин билдирди.
