Бул тууралуу “Азаттыкка” журналист Курманбек Рыспаев билдирди. Анын айтымында, Соң-Көлдө ыйык деп саналган “Манастын таш тулгасы”, “Ак-Куланын мамысы” деп аталган бийиктиги эки метрдей таштарды белгисиз бирөөлөр 6-июль түнү талкалап, ташып кеткен. Таштардын 25 пайызы гана калган. К. Рыспаев Соң-Көлдү байырлаган чабандар мындай көрүнүшкө катуу нааразыланып жатышканын айтты. Маданият министри Султан Раев “Азаттыкка” бул окуя тууралуу азырынча кабары жоктугун, такталып, иликтенээрин “Азаттыкка” билдирди. (EBM)
