ЕККУнун Бишкектеги борбору Кыргызстанда бүгүн ачылган омбудсмендердин Эл аралык форумун колдоорун билдирди. Форумга ондон ашуун өлкөдөн омбудсмендер келди.Үч күнгө созула турган иш чаранын катышуучулары кризис шартында адам укуктарын коргоо, кыйноолорду токтотуу боюнча эл аралык тажрыйба алмашуу маселелерин талкуулашат. Форумду ачып жатып өкмөт башчы Игорь Чудинов Кыргызстан адам укуктарын сактоого башкы орунга койгонун билдирди. Кыргызстан Акыйкатчысы Турсунбек Акун форумда мигранттардын укуктарын коргоого байланыштуу да маселе караларын маалымдады. Форумдун катышуучулары жыйын соңунда декларация кабыл алышары күтүлүүдө.(AiT)
