Оштун же Баткендин жанында террорчулукка каршы орусия менен кыргыз жоокерлеринин машыгуучу борборун түзүү боюнча сүйлөшүүлөр жүрүп жатканын өлкө башчысы Курманбек Бакиев дүйшөмбү күнү “Рейтер” агенттигине берген маегинде билдирген. “Бул аскерий база эмес, анын макамы башкачарак болот”, деген Бакиев. “Рейтер” агенттиги өткөн аптада Орусиянын президенти Дмитрий Медведев Кыргызстандын түштүгүндө жаңы борбор түзүү боюнча комментарий берүүдөн баш тартканын билдиргенин айрым маалымат каражаттары жазып чыкты. (AJ)
