Кечээки жүрүштөрдүн катышуучулары Ирандагы укук бузууларды айыптап, иран президенти Махмуд Ахмединежаддын каршылаштарына колдоо билдиришти. Эң ири жүрүштөр Амстердамда, Лондондо, Стокголмдо өттү. Швециянын борборунда 4 миңден ашык киши көчөгө чыкты. Нью-Йоркто Таймс аянтында 350-400дөй киши чогулуп, «Эркин Иран», «Демократия жашасын» деп ураан чакырышты. Бишкектеги иран оппозициясы менен тилектештик жүрүшүнүн сегиз катышуучусу кармалып, административдик айыпка жыгылды.
