Алар Стамбулдагы Кытай элчилигинин алдында полиция менен кагылышты. «Доган» кабар агенттиги таркаткан видеодо уйгурлар «Алла акбар» (Аллах улук) деп ураан чакырып, консулаттын эшигин көздөй өтүүгө аракеттеништи. Демонстранттар кытай желегин өрттөп, полиция аларга калемпир газ колдонду. Кийин тартип коргоочулар демонстранттарга консуланттын алдында кара түстөгү гүл чамбар калтырууга уруксат берди. Кытайда ай башында мусулман уйгурлар менен хан-кытайлардын кагылышуусунда 200дөй кишинин өмүрү кыйылган эле.
