Чеченстандын ордо калаасы Грозныйда жанкечтинин чабуулунан бери дегенде он киши набыт болуп, беш киши жараат алды. Жанкечти концерт өтө турган залга кирип бараткан жеринен полиция аны токтоткондо өзүн жардырып жиберген. Чеченстандын президенти Рамзан Кадыров Грозныйдагы чабуулду “террорчулардын өлөөр алдындагы акыркы аракеттери” деп баалады. Анын айтымында, террорчуларга каршы операциялар мындан ары да улантыла бермекчи.
