Бул тууралуу аталган иш-чаранын уюштуруучусу, “Кыргыз аты” мекемесинин жетекчиси Жаклин Рипар билдирди. Анын айтымында, быйылкы жылга төрт фестиваль белгиленген. Биринчиси 18-19-июль күндөрү Тажикстандын кыргыздар жашаган аймагы - Тоолуу Бадахшан облусунун Мургаб районунда уюштурулду. Экинчиси Алай-Памир аймагында Ленин чокусунун этегинде 1-2-август күндөрү өтөт. Жалал-Абаттын Токтогулунда 24-25-октябрда болот. Иш-чара Ысык-Көлдө 31-октябрь жана 1-ноябрда жыйынтыкталмакчы. Фестивалдын алкагында ат чабыш менен бирге эле кыргыздын ат оюндары боюнча таймаштар өтөт. Ж. Рипар мындай фестивалдарды 2005-жылдан тарта өткөрүп келет. (EBM)
