Президент Курманбек Бакиевдин президенттик жаңы мөөнөткө киришүү салтанаты 2-августта өтүшү ыктымал. Бул тууралуу бир катар бейрасмий булактар бүгүн маалымдашты. Президенттин басма сөз кызматы мындай маалыматты төгүндөй да, тастыктай да элек. Бул аралыкта Конституциялык Сот БШКнын 23-июлда өткөн президенттик шайлоонун жыйынтыгы боюнча протоколун кароого бүгүн киришкендиги маалымдалды. Мыйзам шайлоо тыянагына баа берүүгө Конституциялык Сотко жети күндүк мөөнөт берет. (BuS)