Иран оппозициясынын лидерлери Мир Хосейн Мусави жана Мехди Каруби курман болгон демонстранттардын мүрзөлөрүнө барып, эскерүү чараларына катышууну пландап жатышат. Бийлик маркумдардын кыркын Тегерандагы Мосалла мечитинде өткөрүүгө тыюуу салган. 12-июнь күнкү президенттик шайлоонун жыйынтыктары массалык нааразылыкка алып келген эле. 20-июнда 10 демонстрант атып өлтүрүлгөн. Алардын бири - 27 жаштагы Неда Агха Солтан Ахмадинежадка каршы акциялардын символуна айланып калды.