Евробиримдик Молдова бийлигине кайрылды

Евробиримдик Молдова бийлигин парламенттик шайлоодон кийин туруксуздукту болтурбоо үчүн чукул арада өкмөттүн курамын түзүүгө чакырды. Евробиримдиктин тышкы байланыш боюнча координатору Хавиер Солана Молдованын партиялары ачык сүйлөшүүлөрдү башташы керектигин белгиледи. Молдованын президенти, шайлоодо утулуп калган Коммунисттик партиянын лидери Владимир Воронин башка партиялар менен сүйлөшүүгө даярдыгын билдирди. 29-июлда өткөн парламенттик шайлоодо оппозициялык партиялар коалиция түзүү үчүн жетиштүү добуш алышты, бирок аларда президентти тандоо үчүн добуштары жетишсиз.