Бүгүн “Адам укугу үчүн” деп аталган флэш-моб акция уюшутуруп кармалган “Мен ишенбейм” кыймылынын беш мүчөсүнүн ишин Биринчи май райондук соту карап жатат. Аталган кыймылдын өкүлү Гүлшайыр Абдирасулованын “Азаттыкка” билдиришинче, аларга “тартип коргоо органдарына баш ийген жок, уруксатсыз акция өткөргөн”, деген айып тагылууда. “Мен ишенбейм” кыймылы бүгүнкү акциясы менен шайлоодон кийин оппозиция митингиси маалында кармалган адамдарды бошотууну талап кылышкан болчу. (EBM)
