Ооганстандагы эл аралык коалициянын командачылыгы Кандагар вилайетинде аба соккудан төрт согушкер өлтүрүлгөнүн ырастоодо. Жергиликтүү тургундар жана ооган бийлиги өлтүрүлгөндөр жай адамдар болчу деп билдиришти. Алардын айтымында, мерт кеткендердин үчөө өспүрүмдөр жана бирөө элет тургуну болчу. Ал аралыкта Кабулга НАТОнун жаңы баш катчысы Андерс Фог Расмуссен келди. Баш катчы ооган президенти Хамид Карзай жана аскер күчтөрү менен жолугушары күтүлүүдө.
