Орусиянын куралдуу күчтөрүнүн башкы штабынын жетекчисинин орун басары Анатолий Ноговицын “Грузия жаңы агрессияга даярданууда” деп билдирди. Грузия болсо, “Орусия маалымат согушун күчөттү” деп айыптоодо. 8-августта Орусия менен Грузиянын ортосундагы согушка бир жыл толот. Тараптар бир нече күндөн бери бирин-бири чек арада чагымчыл аракеттерди жасап жатат деп айыптап келишүүдө. Өткөн жылы кыска мөөнөттүү согуштан кийин Орусия Түштүк Осетия менен Абхазиянын көз карандысыздыгын жарыялаган.
