АКШнын Мамлекеттик катчысы Хиллари Клинтон бүгүн Сомалинин президенти Шейх Шариф Ахмед менен жолугушат. Клинтон исламчыл согушкерлерге каршы күрөшүп жаткан Ахмеддин өкмөтүнө колдоосун билдирмекчи. Жолугушуу Кениянын борбор шаары Найробиде өтөт. Тараптар чөлкөмдөгү кырдаалды жөнгө салууда эл аралык коомчулук кандай жардам бере алат деген маселени талкуулашмакчы. АКШ жоочуларга каршы күрөшүү үчүн Сомали өкмөтүнө аскерий көмөк сунуш кылган. Согушкерлердин “ал-Шабааб” тобун Вашингтон “Ал-Кайиданын” Сомалидеги өкүлдөрү катары эсептейт.
