Иран бийлиги өз жарандарына быйыл ажылыкка барууга тыюу салды. Өлкөнүн саламаттыкты сактоо тармагынын жетекчилери муну чочко тумоосунан коргонуу чарасы катары түшүндүрүштү. Анын аралыгында Аргентина H1N1 вирусунан 337 киши көз жумганын билдирди. Адистер бул сан 2 жуманын ичинде 2 эсеге көбөйгөнүн белгилешүүдө. Дүйнөлүк саламаттыкты сактоо уюму вирустун пандемиясын жарыялаган. Апрелден бери тумоонун бул түрүнөн дүйнөдө 1 миң 154 киши өлдү.
