Израил Иордандын Батыш жээгинен эч качан жөөт конуштарын чыгарбайт. Бул тууралуу Израилдин өкмөт башчысы Бинямин Нетаняху кечээ өкмөттүн жыйынында билдирди. Буга чейин АКШ, Орусия жана Евробиримдик Израилди Батыш жээкте конуштарды курбоого чакырган. Ал аралыкта Палестинанын “Фатх” кыймылы кезектеги жыйынында өзүнүн уставынын жаңы редакциясын жактырды. Анда “палестин эли Батыш жээктеги жөөт конуштарына каршы чара колдоно алат” деп айтылган.
