Линктер

бейшемби, 21-сентябрь, 2017 Бишкек убактысы 13:13

Экс-министр Жекшенкулов камактан чыкты


Мурдагы тышкы иштер министри, БЭКтин мүчөсүАликбек Жекшенкулов Коопсуздук Комитетинин камагынан бошотулуп, үй камагына алынды. Саясатчынын ден-соолугуна байланыштуу Биринчи май райондук соту ушундай чечим кабыл алгандыгын “Ата-Мекен” партиясынын лидери Өмүрбек Текебаев “Азаттыкка” бүгүн билдирди. Бир апта мурун Жекшенкуловдун адвокаты Нина Зотова Жекшенкуловдун саламаттыгы начарлап кеткенин “Азаттыкка” билдирген.
Экс-министр жана оппозициялык саясатчы кызматынан кыянат пайдаланды, түрк ишкеринин өлүмүнө тиешеси бар деген айыптардын негизинде быйыл 9-мартта Коопсуздук Комитетинин камагына алынган. Ага байланышкан соттук териштирүүлөрдү Биринчи май райондук соту териштирип келатат. (BuS)

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG