Генерал Абдул Рашид Достум түшкөн учак Кабулдун аэропортуна кечээ кечинде конуп, аны жактоочулары тосуп алды. Мунун алдында ооган өкмөтү өзбек колбашчысы мекенине кайта аларын билдирген эле. Достум былтыр өкмөт аны үй камагынан бошоткондон бери, Түркияда сүргүндө жашап жаткан. Ал 2001 –жылы Талибанды бийликтен кулатууда маанилүү роль ойногон, бирок адам укугун коргоочу уюмдар тарабынан такай айыпталып келет. Адам укугун коргоочулар Достумду 2001-жылы Талибандын бир нече миң туткунун кырууга жол берген деп күнөөлөшөт.
