Ингушетиянын Назран шаарында жарылуудан набыт болгондордун саны 19га жетти. Бийликтин маалыматы боюнча, жанкечти миналанган жүк ташуучу унааны милиция бөлүмүнүн аймагында жардырып жиберген. Азырынча бул кол салуу үчүн эч ким өзүнө жоопкерчилик ала элек. Ингушетияда набыт болгондорго үч күндүк аза күтүү жарыяланды. Июнь айында Ингушетиянын президенти Юнусбек Евкуровго кол салынган.
