АКШ армиясынын өкүлүнүн билдиргенине караганда, минеметтон атылган эки ракета Кабулдун президенттин сарайы жайгашкан бөлүгүнө жакын келип түшкөн. Окуя өлкөдөгү президенттик шайлоодон эки күн алдында болуп олтурат. Атылган ракеталар кандай зыян же чыгым алып келгени азырынча белгисиз. Ооган бийликтери кандайдыр бир олуттуу чабуулдарга жол бербөө максатында башкалааны коопсуздук күчтөрү жана көзөмөл бекеттер менен курчап салган. Бир нече күн мурда жанкечти НАТОнун кеңсесине кол салганда жети киши мерт болуп, бир нечеси жаракат алган эле.
