Улуттук электр станциялар акционердик коомунун башчысы Сапарбек Балкыбековдун “Азаттыка” билдирүүсүнө караганда, Камбар-Ата-1 ГЭСин куруу боюнча кыргыз-орус биргелешкен ишканасы түзүлдү жана анын директорлор кеңеши куралды. Беш кишиден турган кеңешке орус тараптан үч мүчө, Кыргызстандан Сапарбек Балкыбеков жана Жогорку чыңалуудагы электр линиялары акционердик коомунун жетекчиси Автандил Сыдыков кирди. Тараптар эми биргелешкен ишкананын аткаруучу органдарын түзүүнүн үстүнөн иштеп жатышат. ГЭС курулушунун инфраструктурасын куруу иштери быйыл күзүндө, ал эми ГЭСтин өзүнүнүн курулушу 2010-жылдын соңунда башталып калышы белгиленүүдө.(AiT)
