Бүгүн (27-августта) Бишкектин район аралык соту “Балдардын укугун коргоо лигасынын” Билим министрлигин 1-4 класс окуучулары үчүн атайын форма киргизүүгө милдеттендиргени үчүн өкмөткө каршы берген доо арызын карайт. Аталган уюмдун жетекчиси, укук коргоочу Назгүл Турдубекованын айтымында, өкмөттүн бул чечими “Билим берүү” тууралуу мыйзамга, Балдардын укугу боюнча конвенцияга каршы келет жана балдардын билимге болгон укуктарын чектейт. Андыктан лига өкмөттүн буга карата токтомун жокко чыгарууну соттон талап кылат. (AJ)
