Дүйнөдө экономикалык кубаты жагынан экинчи орунда турган Жапонияда, өкмөттүн маалыматына караганда, июль айында жумушсуздуктун деңгээли 5,7%ды түзгөн. Бул - Экинчи дүйнөлүк согуштан берки эң жаман көрсөткүч. Жумушсуздук менен катар Жапонияда ошондой эле баалар да рекорддук деңгээлде төмөндөп, эл керектөөчү товарлардын наркы быйыл июлда 2,2%га арзандаган. Аналитиктердин пикиринде, эми дефляция экономикадагы өсүшкө тоскоолдук кылуусу мүмкүн.
