Кыргызстан чек ара кызматынын маалымат кызматынан бүгүн алынган кабарга караганда, 27-августан тарта Өзбекстан Кыргызстан менен чек арасын 10-сентябрга чейин жапты. Кошуна өлкөнүн мындай чечими Өзбекстандын эгемендүүлүк күнүн жана Ташкен шаарынын 2200 жылдыгын белгилөөсүнө байланыштуу кабыл алынган. Чек ара жабылган шартта Өзбекстандагы кыргыз жарандары Кыргызстанга, Кыргызстандагы өзбек жарандары өз мекенине өтө алышат. Кыргызстан эгемендүүлүгүн майрамдоо алдында чек ара кызматы күчөтүлгөн гана тартипте кызмат өтөөгө өткөрүлдү.(AiT)
