Ак-Кула ат майданында Эгемендүүлүккө арналып өтүп жаткан көк бөрү боюнча эл аралык мелдеш жыйынтыкталат. КР президентинин кубогу үчүн Тажикстан, Өзбекстан, Орусиядан жана Кыргызстандын ар кайсы дубандарынан келип төрт күндөн бери мелдешип жаткан көкбөрүчүлөр бүгүн финалдык беттешүүгө чыгышат. Бул күнү оюнга президент Курманбек Бакиев күбө болуп, жеңүүчүлөргө сыйлыктарды тапшырмакчы. Бул тууралуу “Ак-Кула” ат майданыны жетекчиси Тынчтыкбек Акматбеков “Азаттыкка” билдирди. Анын айтуусунда көк бөрү мелдешинин тыныгуу учурларында кыз куумай, тыйын эңмей, оодарыш сыяктуу улуттук оюндар дагы көрүүчүлөргө тартууланат.(ZKo)
