Азыр тажик бийликтери да, НАТОнун Тажикстандагы базасынын жетекчилиги да ким күнөөлүү экенин аныктап жаткан учур. Ишембиде кечинде Душанбедеги ресторанда НАТОнун франциялык үч аскери официант менен акчанын айынан урушуп кетишкен экен. Ички иштер министрлигинин билдиргенине караганда, француз аскерлери акча төлөбөй эле кетип калганга аракет кылышканда, официант аларды токтотом деп, аскерлерден токмок жеген. Азыр ал ооруканада. Француз элчилиги болсо урушту ресторандын кызматкери өзү баштаган дейт.
