Миланда өтүп жаткан бокс боюнча дүйнөнүн чемпионатында кыргыз боксчусу Өмүрбек Малабеков (54 кг.) сербиялык Никола Магавасты утуп кийинки таймашууга укук алды. Ал эми Канат Сыдыкбеков (64 кг.) атаандашы польшалык Мичель Леговкисини утту. Бишкектик боксчу Руслан Карипов (75кг.) франциялык Матео Баудерликюну алгачкы беттешүүдө жеңди. Токмоктук Ащи Рамазан (91 кг.) 6-сентябрда марокколук Мохамед Аржоуй менен беттешет. Ош шаарынын бокчусу Абдилай Анарбай уулу (60 кг.) Порто-Рикалык Жозе Педразадан утулуп калды. 18 жаштагы Азат Үсөнадиев дагы биринчи беттешүүдө жеңишке жетишкен жок. Бул тууралуу “Азаттыктын” спорттук кабарчысы маалымдады. (AJ)
