Казакстандын түштүгүндө чек ара кызматынын тик учагы кулап түштү. Маалыматтарга караганда, анын ичиндеги 10 киши өлүп, 3өө жараат алды. Кырсык бүгүн Өзбекстан менен чек арага жакын Угам өрөөнүндө болду. Борттогу адамдар чек ара коопсуздугу үчүн жооп берген Улуттук коопсуздук комитетинин кызматкерлери болчу. Алар Өзбекстандан бир нече куралчан адам чек арадан өтүүнү пландап жатышат деген маалымат түшкөндөн кийин аймакка жол тартышкан.
