“Эркиндик” партиясынын лидери Шамшыбек Өтөбаев 60 жашка чыгаар алдында 8-сентябрда Бишкектеги ооруканада жүрөк оорусунан көз жумду. Бул тууралуу Өтөбаевдин жакындары кабарлашты. Кыргыз эстрадасын өнүктүрүүчүлөрдүн бири Шамшыбек Өтөбаев акыркы мезгилде саясатка активдүү аралашып, “Эркиндик” партиясынын башына келген жана президенттик администрацияда эмгектенип жаткан. Өтөбаев Токтогул районундагы Үч-Терек айылында 1949-жылы 11-декабрда жарык дүйнөгө келген.(AiT)
