Каржы министрлигинин маалымдоосуна караганда, өлкөнүн тышкы карызын төлөө боюнча элдик эсепке быйылкы жылдын сентябрь айына карай 800 миң сомдон ашыгыраак акча түшкөн. Белгилүү болгондой 2006-жылы Кыргызстан ХИПИК программасына кирер алдында өлкөнүн тышкы карызын элдин жардамы менен төлөө демилгеси пайда болгон. Бирок бир нече жылдан бери ал эсепке бир миллион сомго жетпеген каражат түшкөн. Ал эми өлкөнүн тышкы карызы азыркы мезгилге карай 2 миллиард 427 миллион долларга жеткени каржы министрлигинин сайтында көрсөтүлгөн.(AiT)
