Кант шаарындагы №4 мектеп-гимназияда бүгүн азербайжан тили классынын бет ачаары болду. Кыргыз тышкы иштер миинстрлигинин маалымдашынча, иш-чарага Азербайжандын Кыргызстандагы элчиси Ариф Агагулы оглы Агаев, ТИМдин жана жергиликтүү бийлик өкүлдөрү катышты. Азербайжан элчилигинен "Азаттыкка" кабарлашкандай, учурда Кыргызстанда 20 миңге чукул азербайжан улутундагы адам жашайт. Болочокто мындай класстарды Сокулукта ачуу да пландаштырылып жатат. (EBM)
