Бүгүн бул эл аралык уюмдун жаңы баш директору үчүн добуш берүүнүн алгачкы айлампасы өтөт. Бул кызматка шайланаары күтүлүп жаткан негизги талапкерлердин бири Египеттин маданият министри Фарук Хосни. Эгер ал башкы директорлукка келсе, арабдардын ЮНЕСКОнун жетектеген алгачкы өкүлү болот. Бирок Египеттин маданият министринин мурда Израилге каршы билдирүүлөрдү жасаганы анын талапкерлиги боюнча көп карама-каршылыктарды жаратты. Эгер талапкерлердин бири да ЮНЕСКОнун 58 өлкө мүчө болгон кеңешинен басымдуу көпчүлүк добушту ала албаса, шайлоо беш айлампага чейин өткөрүлөт.
