Алдыдагы апталарда Индиядагы Батыш өлкөлөрү же Израилге тиешелүү объектилерге кол салуу болушу ыктымал. Бул тууралуу Израилдин атайын кызматтары маалымдашты. Кабарларга караганда, бул кол салууларды 2008-жылы ноябрда Мумбайда террордук чабуулду жасаган топ уюштурушу мүмкүн. Индиянын бийлиги Мумбайдагы террордук кол салуу үчүн Пакистанда жайгашкан экстремисттик “Лашкар-е-Таиба” тобун айыптап келет. Мумбайда ал күндөрү 190 киши набыт болгон.
