Бүгүнүкү соттук отурумда Балыкчы окуясы боюнча күбөлөр суралды. Камактагылардын баш коргоо чарасын өзгөртүү боюнча жактоочулардын өтүнүчүн сот канаатандырган жок. Болгону айыпталып жаткан Айжаркын Асанованын ден-соолугунун начарлаганына байланыштуу анын баш коргоо чарасы өзгөртүлдү. Бул тууралуу соттун жүрүшүнө күбө болгон Ысык-Көлдөгү кабарчыбыз билдирди. Балыкчы окуясы боюнча жалпысынан 19 киши 23-июлдагы шайлоодо баш аламандык уюштурду, Конституциялык түзүлүшкө шек келтирди, шайлоого тоскоол болду деп айыпталууда. (AJ)
