Коомдук палатанын энергетика жана жер байлыгы боюнча комиссиясы 29-сентябрда жыйын куруп, анда энергетика тармагында абалды талкуулай турган болууда. Бул тууралуу палатанын мүчөсү Жумакадыр Акенеев бүгүн билдирди. Маалыматка караганда, Коомдук палатанын комиссиясы жана жыйынга чакырылган коомчулуктун өкүлдөрүнүн суроолоруна өнөр жай,энергетика жана отун ресурстары министри Ильяс Давыдов маалымат берет. Коомдук палатанын мүчөлөрү электр жарыгын жапырт өчүрүүнүн 1-октябрдан тарта кайра башталышынын себеби, тарифтердин көтөрүлүшүнө байланыштуу маселелерди козгоону пландаштырып жатат. (AiT)
