Пакистанда ишембиде эки жардыруу болгон. Бири Пешаварда, экинчиси Банну шаарында орун алган эле. Экөөн тең талиптер уюштурганын айтып чыгышкан. Пешаварда жанкечтинин жардыруусунан тогуз, Баннуда алты адам өлгөн деп кабарланган эле. Акыркы маалыматтарга караганда, окуя болгон жерден дагы башка адамдардын да денесинин бөлүктөрү табылды. Жалпысынан 27 адам набыт болду деп айтылууда.
