Бүгүн Бириккен Элдик Кыймылдын саясий бюросунун жыйыны болуп, анда саясий куугунтукту токтотуу, куугунтукка алынгандарга юридикалык жардам берүү жана бирдиктүү партия түзүү маселеси каралат. Бул тууралуу БЭКтин саясий бюросунун мүчөсү Топчубек Тургуналиев “Азаттыка” билдирди. Белгилүү болгондой “Ата Мекен” жана Кыргызстан социал-демократиялык партиясынын базасында бирдиктүү саясий партия түзүү боюнча Өмүрбек Текебаев башында турган жумушчу топ түзүлгөн. Бул максатты кандай жүзөгө ашыруу боюнча комиссия БЭКке бүгүн маалымат берет.(AiT)
