АКШда жумуш сапар менен жүргөн өкмөт башчы Игорь Чудинов ишемби күнү АКШнын мамлекеттик катчысы Хилари Клинтон менен жолугушту. Анда кыргыз-америка мамилелерин өнүктүрүү үчүн өкмөттөр аралык комиссия түзүү демилгеси эки тараптын колдоосун алды. Бул тууралуу премьер-министрдин маалымат катчысы Айбек Султангазиев билдирди. АКШнын мамлекеттик катчысы ошондой эле Кыргызстанда ишкерлик кылууга ниеттенген америкалык компаниялардын инвестициясын камсыздандыруу иштери да колдоого алынарын билдирген.(AiT)
