Ага Хан Кору каржыланган Борбор Азия Университети Улуу Британиядагы Эксетер университети менен кызматташуу тууралуу меморандумга өткөн жумада кол койду. Документке ылайык, Борбор Азия университетинин студенттери аталган англиялык жогорку окуу жайда окуусун улантууга стипендия ала алышат. Окутуучулар да илимий-изилдөө боюнча кесибин жогорулатууга барышмакчы. Эксетер университети Улуу Британиядагы он мыкты окуу жайдын катарына кирет. (EBM)
