Кыргызстандын президенти Курманбек Бакиев “Республиканын дене тарбия жана спорт кызматкерлерин мамлекеттик сыйлыктар менен сыйлоо жөнүндөгү” жарлыгына кол койду. Ага ылайык «Кыргыз Республикасынын дене тарбиясына жана спортуна эмгек сиңирген кызматкер» деген ардактуу наам Кыргыз Республикасынын курама командаларын олимпиадалык даярдоо борборунун жетекчисинин орун басары Акеров Мамыт Акеровичке берилди. Ошондой эле Кыргыз Республикасынын Ардак грамоталары бул тармакта эмгектенген бир катар кызматкерлерге ыйгарылды. (AzK)
