АКШ менен НАТОнун Ооганстандагы аскерлеринин командачысы, генерал Стэнли МакКристал өлкөдөгү козголоңчул кыймыл күчөп жатканын жана Талибанга каршы күрөштүн ийгилигин кепилдөөгө болбой турганын билдирди. Генерал МакКристал Лондондо, Стратегиялык изилдөөлөр боюнча эл аралык институтта сүйлөгөн учурунда белгилегендей, Ооганстандагы кырдаал абдан олуттуу жана убакыт колдон чыгып бара жатат. Бирок ал эч планы жок тез аракеттенүү да жаңылыштык болорун кошумчалады.
