Анда жабырлануучулар көрсөтмө берүүнү улантышууда. Өткөн жума күнкү сотттук териштирүүдө күрт улутундагы жабырлануучулар баш-аламандыкты уюштургандардын арасында соттолуп жаткан Эркин Бөлөкбаев, Сапар Аргынбаев жана Уран Рыскуловдун болбогонун айтышкан. “Жашылдар” партиясынын төрагасы Э. Бөлөкбаев, “Болуш” ассоциациясынын президенти С. Аргынбаев жана укук коргоочу У.Рыскуловдор Петровка чатагын уюштурган, деп камакка алынган. Камалгандар муну бийликтин куугунтугу катары сыпаттап келишет. Ушул жылдын апрель айында Петровкада күрт улутундагы жигит 4 жашар кызды зордуктады, деп нааразылганган жергиликтүү эл айылдагы күрттөрдүн көчүп кетишин талап кылышкан. (EBM)
