Жогорку Кеңештин Эл аралык иштер жана парламенттик кызматташтык комитетинде француз жана кыргыз өкмөттөрүнүн ортосунда Транзиттик борбордо Франциянын аскерий аба тобун жайгаштыруу боюнча келишим, кыргыз жана испан өкмөттөрүнүн ортосунда кызматташуу боюнча келишимди ратификациялоо бүгүн карала баштады. Депутаттарга келишим тууралуу тышкы иштер министринин биринчи орун басары Руслан Казакбаев маалымат берүүдө. Бул тууралуу парламенттин маалымат кызматынан кабарлашты. Келишим кыргыз парламенти тарабынан жактырылса, испан жана француз аскерлери АКШ аскерлери сымал Манас аба майданында жайгаша алат.(AiT)
