Президенттин маалымат катчысы Алмаз Турдумаматовдун билдирүүсүнө караганда, 6-октябрда Кыргызстанга Россиянын президентинин администрация башчысы Сергей Нарышкин келет. Аны ошол эле күнү президент Курманбек Бакиев кабыл алат жана эки тараптын ортосунда сүйлөшүүлөр болот. Сүйлөшүүлөрдө кандай маселелер талкууланары тууралуу расмий маалымат жок. Бирок бейрасмий маалыматтар боюнча, Курманбек Бакиев менен Сергей Нарышкиндин жолугушуусунда Россиянын аскерий базасын түштүктө ачуу, Камбар-Ата-1 ГЭСине байланыштуу маселелер талкууланышы ыктымал.(AiT)
