Тажик баш калаасында Борбор Азиядагы эң чоң делинген мечиттин курулушу башталды. Президент Эмомали Рахмон мечит кастыкка, жек көрүүчүлүккө, экстремизмге үгүттөө эмес, кудайдын, таза ойлордун урматына элди бириктирген жай болот деп билдирди. Тажикстандын мамлекеттик телеканалы маалымдаганына караганда, 150 миң кишиге эсептелген мечитти Катар каржылоодо. Мечит 2014-жылы курулуп бүтөт деп күтүлүүдө. Азыр Борбор Азиядагы эң ири мечит Түркмөнстанда жайгашкан.
